Il-qattusa għaġġelija frieħ għomja tagħmel. Hekk kien qal missier Deborah meta wara ftit jiem li kienet ilha taf lin-namrat tagħha Clive, riedet iddaħħlu d-dar biex tlaqqgħu mal-familja. X'kellu f'moħħu n-namrat? Ommha Grace kellha teorija li meta jidħol namrat fil-ħajja tal-ulied, titlifhom għax malajr jiġu influwenzati. Ħafna drabi l-personalità tagħhom tinbidel mil-lejl għan-nhar. Saħansitra l-ħolm tagħhom jisfa fix-xejn ma' dak kollu li jkunu stinkaw għalih wara tant sagrifiċċju. X'jiġri meta Deborah, li mingħaliha li sabet l-hena ta' ħajjitha, issib li ġiet imqarrqa? Minn min tinsab tant imhedda?
